Milliy Prep
Kuchga kirgan sana: 17.09.2026

Ommaviy oferta

Milliy Prep platformasidan foydalanish va obuna sotib olish shartlari. Ro‘yxatdan o‘tish yoki to‘lov qilishdan oldin to‘liq o‘qib chiqing.

1. Umumiy qoidalar

1.1.Ushbu hujjat [Yuridik shaxs nomi] (keyingi o‘rinlarda — «Ijrochi») tomonidan milliyprep.com sayti orqali Milliy Prep platformasi (keyingi o‘rinlarda — «Platforma») xizmatlarini ko‘rsatish bo‘yicha O‘zbekiston Respublikasi Fuqarolik kodeksiga muvofiq ommaviy oferta hisoblanadi.
1.2.Ofertani qabul qilgan (aksept qilgan) har qanday jismoniy yoki yuridik shaxs «Foydalanuvchi» hisoblanadi. Aksept qilingan paytdan Ijrochi va Foydalanuvchi o‘rtasida shartnoma tuzilgan hisoblanadi va u yozma shaklda tuzilgan shartnoma bilan teng kuchga ega.
1.3.Quyidagi harakatlarning har biri Ofertaning to‘liq va so‘zsiz akseptidir: Platformada ro‘yxatdan o‘tish; obuna sotib olishda «Ommaviy oferta va Maxfiylik siyosati bilan tanishdim va roziman» belgisini qo‘yish; to‘lovni amalga oshirish yoki administratorga obuna so‘rovini yuborish.
1.4.Maxfiylik siyosati Ofertaning ajralmas qismi hisoblanadi.
1.5.Ofertani qabul qilmasangiz, Platformadan foydalanmang va to‘lov qilmang.

2. Xizmat va uning chegaralari

2.1.Platforma Milliy Sertifikat imtihonlari va fan olimpiadalariga tayyorlanish uchun onlayn ta’lim xizmatidir: izohli testlar, video darslar, mashq rejimi, natijalar tahlili, AI yordamchi va o‘quv markazlari uchun o‘quvchilar ro‘yxati.
2.2.Mustaqillik. Milliy Prep — mustaqil xususiy loyiha. U Bilim va malakalarni baholash agentligi yoki boshqa davlat organlari bilan bog‘liq emas va ular tomonidan tasdiqlanmagan. Platformadagi savollar rasmiy imtihon savollari emas, balki tayyorgarlik uchun tuzilgan mashqlardir.
2.3.Natija kafolatlanmaydi. Imtihon natijasi Foydalanuvchining bilimi, mehnati va boshqa ko‘plab omillarga bog‘liq. Ijrochi muayyan ball, sertifikat darajasi, olimpiadada o‘rin yoki o‘qishga kirishni kafolatlamaydi. Platformadagi ballar va tahlillar taxminiy bo‘lib, rasmiy natijani bashorat qilmaydi.
2.4.Xizmat «boricha» ko‘rsatiladi. Ijrochi fanlar, darslar, savollar va funksiyalarni o‘zgartirish, yangilash, qo‘shish yoki olib tashlash huquqiga ega. Obuna sotib olingan paytdagi aniq kontent to‘plami o‘zgarmay saqlanishi kafolatlanmaydi.
2.5.Ijrochi Platformaning ayrim imkoniyatlarini bepul, boshqalarini faqat faol obuna bilan taqdim etishi va bu taqsimotni o‘zgartirishi mumkin.

3. Hisob

3.1.Ro‘yxatdan o‘tish telefon raqami va unga yuborilgan SMS kod orqali amalga oshiriladi. Foydalanuvchi o‘ziga tegishli telefon raqami va haqiqiy ism-familiyasini kiritadi.
3.2.Bitta hisobdan faqat bitta shaxs foydalanadi. Hisobni boshqalarga berish, sotish, ijaraga berish yoki bir hisobdan bir necha kishi foydalanishi taqiqlanadi.
3.3.Foydalanuvchi parol va SMS kodlarning maxfiyligi uchun o‘zi javobgar. Hisob orqali amalga oshirilgan barcha harakatlar, jumladan to‘lovlar, Foydalanuvchining o‘zi tomonidan bajarilgan hisoblanadi.
3.4.Hisobingizdan boshqa shaxs foydalanganini sezsangiz, darhol parolni tiklang va Ijrochiga xabar bering. Xabar berilgunga qadar yuz bergan oqibatlar uchun Ijrochi javobgar emas.
3.5.18 yoshga to‘lmagan shaxs Platformadan ota-onasi yoki qonuniy vakili roziligi bilan foydalanadi. Voyaga yetmagan shaxs hisobidan qilingan ro‘yxatdan o‘tish va to‘lov uning ota-onasi yoki qonuniy vakili roziligi bilan qilingan hisoblanadi va ular Oferta shartlari bo‘yicha javobgar bo‘ladi.

4. Tariflar va to‘lov

4.1.Tariflar va narxlar Narxlar sahifasida so‘mda ko‘rsatiladi. To‘lov vaqtida shu sahifada ko‘rsatilgan narx amal qiladi.
4.2.Individual o‘quvchilar 1, 3, 6, 12 oylik muddatga obuna bo‘ladi. O‘quv markazlari uchun obuna har oy to‘lanadi, narxi har bir markaz bilan alohida kelishiladi.
4.3.To‘lov Click, Payme yoki Rahmat (Multicard) to‘lov tizimlari orqali onlayn yoki administrator orqali qabul qilinadi. Bank va to‘lov tizimi komissiyalari (bo‘lsa) Foydalanuvchi zimmasida.
4.4.Onlayn to‘lovda obuna to‘lov tizimi to‘lovni tasdiqlagan paytda, administrator orqali to‘lovda — administrator faollashtirgan paytda faollashadi. Muddat faollashgan paytdan hisoblanadi.
4.5.Joriy obuna tugamasdan yangisi sotib olinsa, yangi muddat joriy muddat tugagan kundan boshlanadi.
4.6.Obuna avtomatik uzaytirilmaydi. Muddat tugagach, pullik imkoniyatlar yangi to‘lovgacha yopiladi.
4.7.Obuna faollashtirilgan paytda xizmat to‘liq hajmda va lozim darajada ko‘rsatilgan hisoblanadi. Bajarilgan ishlar dalolatnomasi rasmiylashtirilmaydi; yuridik shaxslarga hisob-faktura so‘rov bo‘yicha beriladi.
4.8.Ijrochi narxlarni istalgan vaqtda o‘zgartirishi mumkin. O‘zgarish allaqachon to‘langan muddatlarga ta’sir qilmaydi. Keyinchalik o‘tkazilgan aksiya yoki chegirma oldingi xaridlarga tatbiq etilmaydi va narxlar farqi qaytarilmaydi.
4.9.Fiskal chek qonunchilikka muvofiq to‘lov tizimi tomonidan beriladi.

5. To‘lovni qaytarish

5.1.Obuna uchun to‘langan mablag‘ qaytarilmaydi — to‘liq ham, qisman ham. Bu qoida, jumladan, quyidagi hollarda ham amal qiladi:
  • Foydalanuvchi Platformadan foydalanmagan yoki kam foydalangan bo‘lsa;
  • fikridan qaytgan yoki tarifni noto‘g‘ri tanlagan bo‘lsa;
  • obuna muddati tugamasdan foydalanishni to‘xtatgan yoki hisobini o‘chirgan bo‘lsa;
  • kontent, AI yordamchi yoki imtihon natijasi kutganidek bo‘lmasa;
  • hisob Oferta shartlari buzilgani uchun cheklangan yoki bloklangan bo‘lsa.
5.2.Foydalanuvchi obuna Platformaning raqamli kontentiga darhol kirish huquqini berishini va shu sababli xizmat obuna faollashgan paytdan boshlab ko‘rsatilishini tushunadi hamda to‘lovni aynan shu shart bilan amalga oshiradi.
5.3.Texnik xato bundan mustasno. Agar pul yechilgan-u, obuna faollashmagan bo‘lsa (masalan, bitta buyurtma ikki marta to‘langan yoki to‘lov tizimida nosozlik yuz bergan bo‘lsa), bu qaytarish emas, balki amalga oshmagan tranzaksiyani bekor qilishdir. Bunday to‘lov to‘lov tizimi orqali bekor qilinadi; pul kartaga qaytish muddati bank va to‘lov tizimi qoidalariga bog‘liq. Murojaat to‘lovdan keyin 10 kun ichida chek yoki tranzaksiya raqami bilan yuboriladi.
5.4.Foydalanuvchi asossiz ravishda bank orqali to‘lovni qaytarib olsa (chargeback), Ijrochi hisobni va shu to‘lov bilan faollashgan obunani darhol to‘xtatish hamda yetkazilgan zararni qonunchilikda belgilangan tartibda undirish huquqiga ega.

6. Taqiqlangan harakatlar

Foydalanuvchiga quyidagilar taqiqlanadi:

  • savollar, javoblar, izohlar va video darslarni nusxalash, yuklab olish, skrinshot yoki ekran yozuvi orqali Telegram kanal va guruhlar, saytlar yoki boshqa joylarda tarqatish, sotish;
  • hisobni boshqalarga berish, sotish yoki bir hisobdan bir necha kishi foydalanishi;
  • bot, skript yoki parser yordamida kontent yig‘ish yoki Platformaga avtomatlashtirilgan so‘rovlar yuborish;
  • Platforma himoyasini chetlab o‘tish, boshqa hisoblarga kirish yoki zaifliklardan foydalanishga urinish;
  • soxta to‘lov, boshqa shaxsning kartasidan ruxsatsiz foydalanish yoki to‘lov tizimini aldashga urinish;
  • AI yordamchidan o‘qishga aloqasi bo‘lmagan, qonunga xilof yoki zararli maqsadlarda foydalanish;
  • Platforma ishini buzadigan yoki boshqa foydalanuvchilarga zarar yetkazadigan har qanday harakat.

Qoidabuzarlik aniqlanganda Ijrochi ogohlantirmasdan hisobni cheklash, bloklash yoki o‘chirish huquqiga ega; bunda to‘langan mablag‘ qaytarilmaydi. Ijrochi yetkazilgan zararni, jumladan kontentni noqonuniy tarqatishdan ko‘rilgan zararni, qonunchilikda belgilangan tartibda undirish huquqini saqlab qoladi.

7. Intellektual mulk

7.1.Platformadagi barcha kontent — test savollari, javob va izohlar, video darslar, matnlar, dizayn, logotip va dasturiy ta’minot — Ijrochiga yoki uning litsenziarlariga tegishli va mualliflik huquqi to‘g‘risidagi qonunchilik bilan himoyalangan.
7.2.Obuna Foydalanuvchiga kontentdan faqat shaxsiy, notijorat, o‘quv maqsadida, obuna muddati davomida va faqat Platforma ichida foydalanish uchun noeksklyuziv, boshqaga berilmaydigan huquq beradi. Kontentga mulk huquqi Foydalanuvchiga o‘tmaydi.
7.3.O‘quv markazlari kontentdan faqat o‘z o‘quvchilari Platforma orqali shug‘ullanishi uchun foydalanadi. Kontentni o‘z materiali sifatida qayta nashr qilish, chop etish, darslarda ko‘paytirib tarqatish yoki sotish taqiqlanadi.
7.4.Foydalanuvchi yuborgan fikr-mulohaza va takliflardan Ijrochi bepul va cheklovsiz foydalanishi mumkin.

8. AI yordamchi

8.1.AI yordamchi javoblari sun’iy intellekt tomonidan avtomatik yaratiladi va xato, noaniq yoki to‘liq bo‘lmasligi mumkin. Ular ma’lumot uchun beriladi va o‘qituvchi yoki darslik o‘rnini bosmaydi.
8.2.Javoblarni ishonchli manbalar bilan tekshiring. Ijrochi AI javoblariga tayanib qilingan xatolar yoki qabul qilingan qarorlar oqibati uchun javobgar emas.
8.3.AI yordamchiga kunlik savollar cheklovi qo‘llaniladi. Ijrochi cheklovni o‘zgartirishi, AI yordamchini vaqtincha yoki butunlay o‘chirib qo‘yishi mumkin; bu obuna muddatini uzaytirish yoki to‘lovni qaytarishga asos bo‘lmaydi.

9. Xizmatdagi uzilishlar va fors-major

9.1.Ijrochi Platformaning barqaror ishlashi uchun oqilona choralar ko‘radi, lekin uning uzluksiz va xatosiz ishlashini kafolatlamaydi.
9.2.Texnik xizmat, yangilanishlar, shuningdek xosting, internet, SMS yoki to‘lov provayderlaridagi nosozliklar sababli Platforma vaqtincha ishlamasligi mumkin. Bu kompensatsiya yoki to‘lovni qaytarishga asos bo‘lmaydi. 72 soatdan uzoq davom etgan uzilishda Ijrochi o‘z qaroriga ko‘ra obuna muddatini uzaytirishi mumkin.
9.3.Tomonlar yengib bo‘lmaydigan kuch holatlari — tabiiy ofat, favqulodda holat, davlat organlari qarorlari, elektr ta’minoti yoki internetdagi keng ko‘lamli uzilishlar, uchinchi shaxslarning kiberhujumlari — tufayli majburiyatlarni bajarmaganlik uchun javobgar bo‘lmaydi.

10. Javobgarlikni cheklash

10.1.Qonunchilik ruxsat bergan eng yuqori darajada, Ijrochi bilvosita zarar, boy berilgan foyda, imtihon natijasi, o‘qishga kira olmaslik yoki ma’naviy zarar uchun javobgar emas.
10.2.Har qanday holatda Ijrochining Foydalanuvchi oldidagi umumiy javobgarligi nizoga sabab bo‘lgan obuna uchun Foydalanuvchi haqiqatda to‘lagan summadan oshmaydi.
10.3.Ijrochi uchinchi shaxslar — to‘lov tizimlari, banklar, SMS, internet va xosting provayderlari — harakatlari yoki nosozliklari uchun javobgar emas.
10.4.Foydalanuvchi o‘z qurilmasi, brauzeri va internet aloqasi Platforma ishlashi uchun yaroqli bo‘lishini o‘zi ta’minlaydi.
10.5.Foydalanuvchi Oferta shartlarini buzishi natijasida Ijrochiga yetkazilgan zarar, jumladan uchinchi shaxslarning da’volari bo‘yicha xarajatlar uchun javobgar bo‘ladi.

11. Hisobni to‘xtatish

11.1.Foydalanuvchi istalgan vaqtda Platformadan foydalanishni to‘xtatishi va hisobini o‘chirishni so‘rashi mumkin. Bunda faol obuna uchun to‘langan mablag‘ qaytarilmaydi.
11.2.Ijrochi 6-bo‘lim buzilganda, to‘lov bilan bog‘liq firibgarlik yoki asossiz chargeback aniqlanganda, shuningdek qonun talab qilganda hisobni ogohlantirmasdan to‘xtatishi mumkin.

12. Elektron yozuvlar va dalillar

12.1.Tomonlar Platforma tizimlaridagi elektron yozuvlar — ro‘yxatdan o‘tish va SMS tasdiqlash, Oferta qabul qilingan sana va tahriri, obuna so‘rovlari, to‘lov tranzaksiyalari va test natijalari — nizolarni hal qilishda dalil sifatida tan olinishiga rozi bo‘ladi.
12.2.Foydalanuvchining telefon raqamiga yuborilgan SMS kod bilan yoki uning hisobiga kirilgan holda bajarilgan harakatlar Foydalanuvchining o‘zi tomonidan tasdiqlangan hisoblanadi.

13. Nizolarni hal qilish

13.1.Oferta O‘zbekiston Respublikasi qonunchiligiga muvofiq tartibga solinadi.
13.2.Nizolar avvalo muzokaralar yo‘li bilan hal qilinadi. Da’vo (pretenziya) yozma ravishda [support@milliyprep.com] manziliga ro‘yxatdan o‘tgan telefon raqami ko‘rsatilgan holda yuboriladi; Ijrochi 30 kun ichida javob beradi.
13.3.Kelishuvga erishilmasa, nizo, agar qonunda boshqacha tartib belgilanmagan bo‘lsa, Ijrochi joylashgan joydagi sudda ko‘riladi.

14. Ofertaga o‘zgartirishlar

14.1.Ijrochi Ofertani bir tomonlama o‘zgartirishi mumkin. Yangi tahrir shu sahifada e’lon qilingan kundan kuchga kiradi; kuchga kirgan sana sahifa boshida ko‘rsatiladi.
14.2.O‘zgarishlar allaqachon to‘langan obunaning narxi va muddatiga ta’sir qilmaydi. Keyingi xaridda yangi tahrir qayta tasdiqlanadi. Platformadan foydalanishni davom ettirish yangi tahrirga rozilikni bildiradi.
14.3.Oferta biror bandining haqiqiy emas deb topilishi qolgan bandlarning kuchiga ta’sir qilmaydi.
14.4.Ijrochi Oferta bo‘yicha huquq va majburiyatlarini o‘z huquqiy vorisiga o‘tkazishi mumkin.

15. Ijrochi rekvizitlari

Nomi[Yuridik shaxs nomi]
STIR[STIR]
Yuridik manzil[Yuridik manzil]
Bank[Bank nomi, MFO]
Hisob raqami[Hisob raqami]
Elektron pochta[support@milliyprep.com]
Telefon[+998 XX XXX XX XX]
Telegram[@milliyprep_support]

Shuningdek o‘qing: Maxfiylik siyosati